NGĀ MAHI HEI MAHI

He haerenga me te whānau me ngā hoa, ngā tirohanga paruhi, me ngā mahinga pātata.
 

EKE I RUNGA WAKA TAUTŌ

Hokona tō tīkiti i te tari tīkiti kei runga o Lambton Quay ka eke i te waka tautō rongonui mō te rima meneti ki te taumata o te Hiwi o Kelburn, 119 mita i runga ake o te tāone nui. Ina tae koe ki te matairangi o Kelburn ka mātakitaki i te tāone nui me te whanga o Te Whanganui-a-Tara mai i ngā pūhara o roto, o waho rānei.

Mō tētahi tikanga tere, ngāwari hoki mō te eke waka tautō, hokona tuihonotia ō tīkiti i mua i tō taenga atu. Kia maumahara, me whakarārangi tonu koe mō te waka tautō i ngā rā e pokea ana.
 

  • Tīkiti Ahunga Kotahi: Hokona he tīkiti ahunga kotahi mai i te Tari Tīkiti ka haere ki runga i te Hiwi o Kelburn ki te kite i ngā tirohanga paruhi me ngā tautōnga paetata. Mō te hoki ki te tāonenui, hīkoi mā te Botanic Garden, ka haere atu ki te Bolton Street Cemetery, ka tae atu koe ki te Whare Pāremata, i te pū o te tāonenui (me whai i te raina karaka kei te Mahere Tautōnga i raro nei). He mahere kei te teihana o te waka tautō me te urunga ki te Botanic Garden hei āwhina i a koe ki te nekeneke haere. Neke atu i te 40 meneti te roa o te hīkoi.

    Ki te hiahia koe ki te heke atu mā runga i te waka tautō, me piki ki runga i te waka tautō ka hoko i tētahi tīkiti ahunga kotahi i te Tari Tīkiti i tō hokinga atu.
     
  • Tīkiti Hoki: Hokona he tīkiti hoki i te Tari Tīkiti hei piki me te heke i te hiwi mā te waka tautō. Ka taea he kōrea i runga i te waka tautō.
Tirohia Ngā Pātai Auau.

E rima ngā teihana: Lambton Quay, Clifton Terrace, Talavera, Salamanca me Kelburn.
 
Wellington Cable Car-Attractions Map


 

Te whakaaturanga rama ana

Ina haere ngā manuhiri me te hau kāinga i roto i ngā ana e rua e 100 mita te roa, ka karapotia rātau e ngā tūrama LED ka kōhikohiko e puta ai ngā āhua me ngā tauira whakamīharo. Ka tuwhera te whakaaturanga rama ana i ia rā mai i te 9 i te ata ki te katinga i ngā rā mahi, ā, i te katoa o te rā i ngā rā whakatā.

Tirohia tā mātau hōngere Youtube me te whārangi Pukamata mō ngā ataata, pikitia hoki o ngā rama.
 
Tunnel Lights

 

TIROHIA NGĀ TAUTŌNGA TŪTATA


Hōparatia ngā tino tautōnga o Te Whanganui-a-Tara i tō haerenga ki te waka tautō.

 

Te Whare Taonga O Te Waka Tautō


Haere ki te Whare Taonga o te Waka Tautō e tūtata ana ki te Teihana o Kelburn. Kei reira te mīhini huritaura tuatahi mō te rerewē tautō i whakahaerehia mai i te tau 1902 ki te tau 1978.

E rua ngā taumata o te Whare Taonga, ā, ka whai wāhi ngā manuhiri ki te noho i runga i te pūnaha ikiiki rongonui rawa o Te Whanganui-a-Tara. Me noho ki te mātakitaki i tētahi kiriata poto mō ngā whanaketanga o te waka tautō, haere rānei ki te tirotiro i te toa hei hoko taonga manatunga.

Koreutu
 
 
Cable Car Museum

Ngā Botanic Gardens O Te Whanganui-A-Tara

Neke atu te nui o te Botanic Garden i te 25 heketea o tētahi whenua ahurei, he ngahere māori rāhui, ngā rākau koroī, ngā kohinga tipu motuhake me ngā whakakitenga putiputi muramura. Ko ngā mea papai: Begonia House, Lady Norwood Rose Garden, Treehouse Visitors’ Centre, he wāhi tākaro mō ngā tamariki, me te repo rakiraki.

E whakaarihia ana ngā putiputi toi i te ara heke atu ki te tāone nui, ā, he ara ngāwari tēnei e tīmata ana i te taumata o te rerewē tautō ka mutu tūtata ki te Whare Pāremata i te pū o te tāone nui. E 40 meneti te roa o tēnei hīkoi.

Koreutu


Arā atu anō >
 
Botanic Gardens

Ko Te Space Place I Te Carter Observatory

Ko te Space Place i te Carter Observatory he rua meneti te tawhiti mai i te taumata o te rerewē tautō. Kei reira ngā whakakitenga rongorau me ētahi o ngā taonga tātai arorangi hira rawa o Aotearoa. Mātakitakihia te whakaaturanga i roto i te kōpae arorangi mamati me te hōpara i ngā rangi o te tuakoi tonga.

Ka āhei anō koe ki te atawhai i tētahi whetū!

He utu


Arā atu anō >
 
Space Place

Ko Te Punanga O Zealandia

Tūhuratia te kōrero whakauka ahurei o Aotearoa: 80 miriona tau te hītori tūturu i roto i te whakakitenga whakamīharo me te 225 heketea o tētahi whenua whakaharahara i roto i te whārua punanga ātaahua, me te aha e rima meneti noa mā runga pahi koreutu te tawhiti mai i runga ake o te rerewē tautō. Me kite koe i te tautōnga tautaiao whai hōnore o Aotearoa. Tirohia te Wātaka Pahi Koreutu i konei.

He utu


Arā atu anō >
 
Zealandia

 
logo-foot
   
Follow us
  • fb-foot
  • g-foot
  • utube-foot
logo-foot2
 
Contact us
info@wellingtoncablecar.co.nz
+64 4 472 2199
Cable Car Lane
280 Lambton Quay
Wellington FIND US ON GOOGLE MAPS